#1 蝴蝶蘭
#2 三色堇
#3 鐵樹
#4 回家三個月了, 仍然盛放!!!
#5 新成員, 對佢一見傾心
#6 影呢輯相, 係因為佢開花
#7 不知名野花苗, d 葉而家大概4mm, 根比初回來時長左3倍!
係咁多喇, 謝謝收看!
2009年4月8日 星期三
雲南遊--元陽梯田
四個日出四個日落之旅, 匆匆的過了一半。精神, 尚可!
#1 車子駛入元陽後, 沿途即有很多梯田, 雖然不是日出日落的時間, 我們都忍不住連按快門!
#2 第三個日落, 老虎嘴! 想像到嗎?
#3 梯田此景, 美麗程度由天定! 天氣好, 陽光把梯田染成一片金光, 超讚! 這天, 一般吧。
#4 運氣好的話, 梯田色彩會有更多變化! 這一片有紅、藍、綠, 但仍不算是最色彩豐富的情景。
拍完這個日落後, 火速起程回酒店, 因為要很早睡覺, 準備迎接第三個日出!
#5 第三個日出, 多依樹! 今天是最早起床的一天: 凌晨四時!! 但因我們住的酒店跟多依樹距離較遠, 我們並不是最早到達的一批!
入口處設了一個收費站, 導遊呆了一呆, 說是新增的, 但也不能不付...我們則因為收到其他團的情報, 知道到達後, 要跟當地人買位, 所以又自行付了好幾十元。無奈, 但別無選擇。
不過, 看見太陽在梯田的金色倒影, 我們都興奮莫名, 立即消卻煩憂!
#6 也是多依樹
原訂前往壩達拍攝第四個日落, 但有關道路竟然在這個時候修葺, 在某些時段封了路!!! 導遊和司機因見道路兩旁放滿一堆堆用以鋪路的碎石, 極力勸諭我們不要前往, 理由是我們的車子大, 不易轉彎...既然司機沒信心, 部分團友亦已呈疲態, 沒辦法, 第四個日落, 就此作罷..................................
#7 終極日出, 土鍋寨! 唉, 原來只是路邊的一片梯田, 很不吸引! 幸好這天天氣極好, 有雲, 有太陽, 有耶穌光, 所以大家都感到滿意, 但絕非絕非因為旅行社的安排而感到滿意!!!
去年, 看到其他網友的元陽照, 驚嘆梯田之美!! 今年, 我終於親眼看到了! 真的很棒!
2009年4月1日 星期三
誰之過
近來, 心中有火, 長燃不息, 窒礙了出卜的思潮。
巴士打三子在議會上的惡行, 是誰之過?
大曾生? 因為政策太爛, 令人不罵不快?
小曾生? 因為三子連環爆發粗口後, 久久才想到得體的反擊之詞?
麗泰? 因為在亂世之下, 瀟灑辭官去, 沒有好好箝制某人?
安神和葉劉? 因為自她們爭選議席之時, 只管以聲浪而非道理, 搶著說話而非一問一答來表現自己, 以致今天很多議員都以這方式表達己見?
你、我、他? 因為你、我、他或她都把選票投了給他、他和他, 想給議會一點刺激, 一點新思維, 卻換來縱虎歸山之禍?
我不反對人家說粗口。個人認為, 粵語粗口多樣化, 是粵語的一大特色, 但必須適可而止。
每吐二字便加插一門五傑, 不可取。以之罵人, 更不可恕!
議會乃識見之士、有志之士聚首論大事之地, 誠如小曾生所說, 以各士人的學識、教養, 實在無須以粗言一抒、再抒己見。
三子薪俸來自庫房, 有責任了解什麼是應, 什麼是不該。不滿絕對不是借口! 貧窮便可打家劫舍, 飢餓便可搶人之食? 世界大亂, 就是因為有人不守法, 不自律, 令文明之所淪為蠻夷之地。
我受夠了, 巴士打, bastard! 大開嗓門說歪理, 靠你們糾正官門之錯? 其身不正, 難矣!
2009年3月12日 星期四
雲南遊--羅平油菜花
是次雲南遊, 主菜有二: 一是羅平油菜花, 二是元陽梯田。
從昆明南下羅平途中, 道路兩旁都種滿油菜花田, 黃澄澄的好不悅目!
可惜的是, 由於旅遊公司開辦太多元陽團, 當地導遊司機供不應求, 所以公司安排了不熟悉羅平的司機和導遊帶團! 結果? 經常走錯路! 浪費了好些時間!
司機不認得路, 我們起初都有微言, 但後來也明白, 走錯路怪不得司機, 而是怪旅遊公司在資源不足的情況下, 夾硬開團!
#1 牛街螺絲田
幾經艱苦, 幾經迂迴的公路, 終於來到第一個主要景點! 羅平有一望無際的油菜花田, 也有像牛街的油菜花梯田。一次過滿足兩個願望, 讚!
#2 停車拍攝的地方, 是一個高處的馬路旁, 車來車往! 所以拍攝時要小心留意車輛, 不能迷頭迷腦! 該處也有一小塊看似觀景台的泥地, 用大石隔開。當我們跨腳走進去時, 有幾個小鬼立即走來要錢! "一塊錢一塊錢!" 公地私佔, 這一塊錢付或不付, 大家自行決定吧!
#3 70-300mm, 此刻大派用場!
#4
#5
#6 金雞山峰林日落
開始我們的第一個日落了! 拍日落不難捱, 只需站個多小時, 讓大風刮刮臉, 吹亂頭髮, 不時用紙巾拭擦因低溫而留的鼻涕, 待太陽下降至適當的光度後, 便可瘋狂拍攝!
雖說瘋狂拍攝, 只有這張作品稍覺滿意...
#7 金雞山峰林日出
金雞山有兩個地點可供觀賞日出日落, 其一是要付入場費的觀景台, 團費已包, 不用自掏。其二是金雞山峰林的某些小山丘, 可花一、二十元請當地人引路。前者上梯級, 後者山路尚算易行, 但切記要帶備電筒, 行山頭燈更佳! 我們便選了登山丘觀日出!
#8 天全亮後, 極目眺望, 腳下全是一片片的黃色花田! 很壯觀啊!
#9
#10 行程中, 本有一項"拍攝20萬畝盛開的油菜花", 哇~很吸引啊! 但在羅平逗留的兩天, 領隊／導遊完全沒有提及這一景點／行程! 醒目卻又極度無奈的一眾團友, 唯有在拍攝金雞山日出後, 好好利用出發往下一景點前不足一小時的時間, 盡拍! 所以, 油菜花田美是美了, 看是看過了, 但就是不滿足!
#11
#12
#13 十萬大山日出
不滿足也得知足。有人跟我說, 當年她到這兒觀日出時, 大霧迷濛, 伸手只見五指, 下車後根本無法上山, 所以與十萬大山無緣相見。這天, 我有幸看到十萬大山了。
#15
#16 拍完日出後, 回頭一看...咦, 這個view也不俗呢!
#17
油菜花, 別了! 你的美, 越不遜於美瑛花田, 荷蘭鬱金香, 或是南法薰衣草! 願你繼續盛放, 遊客絡繹前來觀賞!
2009年3月5日 星期四
雲南遊-配菜篇
首先多謝各位支持! 我執好相喇!
但因為好怕人比人, 貨比貨, 所以先出一個配菜篇! 主菜...不日上映!
呢期好多人去了元陽, 但拍攝隨心, 所以千祈唔好比較!
口水多過茶? Sorry! 即刻介紹!
#1 昆明大觀園打海鷗
8天團, 落機當日去了大觀園遊花園, 明顯用來sip時間! 主要係參觀國內最長的對聯, 我影得差, 唔出喇! 好在還有大量海鷗! 大家係咁用長短鏡追住佢地, 好難影, 但幾好玩!
#2 建水朱家花園
呢個攝影團, 行程包括四個日出四個日落, 都幾勞累! 所以拍左兩個日出後, 去左呢個國家級AAA旅遊點住一晚。日日拍日出, 除左捱眼瞓, 仲遇到另一難題...well...所以來到呢度, 終於可以開懷大...便!!!
#3 朱家花園
#4 magic朱家花園
#5 朱家花園附近街道
#6 建水古城--朝陽樓
來建水, 回氣之餘, 亦有好多好有歷史價值的景點。朝陽樓建於明朝, 有六百幾年歷史喇! 期間經歷過多次地震, 導遊話, 最勁果次有6級, 但依然屹立不倒, 好野!
#7 建水古城--四眼井
呢口井好似又有好幾百年歷史, 但我唔記得導遊講乜喇...淨記得佢話井邊一條條的坑紋, 係多年來打井水, 被麻繩磨出來的!
#8 建水古城--民生
#9 建水古城--後巷一隅
#10 菁口民俗村少數民族
行程安排我地來呢度影人物, 但...比左幾十蚊入場費後, 每次影人都仲要再比1蚊當事人! 1蚊唔係大數目, 但今次無論去到邊度影人, 個個都伸手要錢, 感覺不大好, 所以只有偷偷摸摸地舉機。
#11 菁口民俗村表演
比完入場費, 已經聽到好強勁既鑼鼓聲, 原來有場表演。一場來度, 好啦! 去睇表演啦! 行行重行行, 行左好幾分鐘先去到表演場地! 咦! 點解唔見舞台既? 下!? 梯田就係佢地既天然大舞台!? 真係大開眼界! 不過d 音響實在太強勁, 所以都唔可以留太耐。但我好佩服d 村民咁齊心, 幾百人一齊表現, 所以都覺得好impressive。
大家粗粗地睇住先, 我去煮埋d 主菜!
訂閱：
文章 (Atom)