爬馬騮登八仙

1月1日, 以小病初癒的身軀完成賽事後, 開始腳痕
於是貓b 帶我地行一條短短地既路線...八仙嶺!

#1 每次來到紀念96年山火的春風亭, 還是感到哀痛。過了春風亭, 開始直奔511m的仙姑峰

#2 不過, 貓b 話試下新野, 所以由呢度經馬騮崖上仙姑

#3 要闖林

#4 穿林後行d 略斜的泥路

#5 馬騮崖! 要爬上去的! 先鋒一貓當先!

 

#6 政府明明豎左警告牌...但我地就不聽勸諭...
上到來本來好開心, 但即時看到的不是周遭美景, 而是一地垃圾! 唔該各位俾d 公德心啦!!!

#7 開始過八仙喇, 都幾長, 但起伏唔算太大。不過條路樹都唔多, 夏天行就...

 

#8 湘子峰

#9 今日個山好"得意", 兩截色, 左黃右青, 唔知點解會咁特別呢?

#10 采和峰

#11 曹舅峰

#12 除左兩截色, 兩旁仲長滿高高的芒草, 好靚! 呢~左上角粒骰就係先鋒喇~

#13 拐李峰

#14 果老峰

#15 鍾離峰

#16 最後亦是最高的一個, 純陽峰! 591m, 貓b又插住袋等我地...

#17 純陽峰, 儲齊八個峰的"閃卡", 開始向左邊的屏風山進發!

#18 來到呢度, 開始轉右去鹿頸

#19 個天成朝灰朦朦, 但越行越好天, 個天藍到丫!

#20 仲見到美麗的吊鐘花

#21 未熟習部機仔, 所以走晒焦, 見笑了

#22 到終點喇! 以差不多4小時完成。有我呢隻為食貓, 大家唯有陪我吃!  
走地鹽焗雞丁麵

#23 招牌牛筋腩飯

#24 黃昏時, 人在屯門。今日d 雲好靚呀~

2010東北蹤走越野馬拉松

久休復出。指的既是浦頭, 也是行山。

已是第三年參賽了! 貓b 繼續玩挑戰組(32km), 我就繼續玩體驗組(20km)。雖然要早睡早起, 未能參與倒數, 但能夠在元旦日參加有意義的活動, 也是值得的。

#1 出發前當然要影下相先啦~呢~右手面就是搞手, 旅行家的創辦人了

#2 開賽後, 所有人都很認真地跑!! 我們本想以游閒的心態參與, 但身旁的人不斷跑, 我們唯有跑埋一份, 急急腳地直奔第一個checkpoint! 體驗組的第一個checkpoint已是CP3, 因為不斷被後來者追趕, 所以來不及, 亦沒心情影相...看到這片紅樹林, 才如夢初醒, 拿相機出來

#3 前十數天不斷下雨, 河水很清, 但亦使今天的路段濕滑不已

#4 荔枝窩喇! 即係就到CP4! yeah~

#5 相信很多人也來過荔枝窩吃雞粥的了, 今天是來參賽, 所以...下次先食啦!

#6 今日, 就yak住大會提供的香蕉先啦! 食蕉好呀! 既飽肚, 又快速補充體力!

#7 其實, 體驗組頭十幾公里都幾舒服, 多數是平路, 兼且係石屎路。不過, 由於早幾天不停下雨, 大家由分水凹下山時, 都被路上又濕又滑又滿佈青苔的大石, 跣到攤攤腰! 太跣, 顧住行, 梗係冇手影相啦!

#8 來到CP5, 居然仲有蕉食! 真係有點驚喜! 即時又食多隻! 因為...過了CP5 才是體驗組的真正考驗...

#9 面對真正考驗前, hea多陣先~

#10 哈! 黎料喇! 先上鳳坑郊遊徑! 體驗組和挑戰組在呢處再次匯合! 體驗組來到此處, 已行了約14公里, 而挑戰組來到此處, 已行了廿幾公里! 所以面對長長的上山路, 唉...

#11 然後...上金龍脊!沒有pre-trip的,不知前路有幾艱難;而pre-trip過的,則異口同聲,
開始發出媽媽聲...

#12 你睇下丫! 好斜ga!!!

#13 落都好斜ga!!

#14 而且落完又要再上, 上完又要再落, 落完上完n次後....

#15 仲要剷入人咁高的叢林! 媽聲少了, 因為大家已沒有氣!

#16 來到山火瞭望台, 開始有番人聲了, 是歡呼聲! 因為終於上完所有山, 餘下的全是下山路! 兼且在此遇到山水兄, 好開心呢!

#17 仲有1公里咋! 衝呀!!!!

#18 最後, 我以5小時零數分完成, 雖然慢, 但在最後1公里, 我居然仲有力跑回終點, 所以我覺得, 以我的身型和體質, 我也滿意自己的表現了! 要求好低呢!

回到終點, 又見番山水兄, 得意姐, 而貓b 已早我很多回來了, 所以二人開心合照

#19 其他參賽者好勁呀!

#20 所有參加山賽的, 無不知道曾小強這一號人物! 佢又係3個幾鐘完成! 超人呀!

後記: 本來還有另一友人參賽, 不過賽前病倒了...友人, 不要緊, 不可惜! 賽事年年有, 健康為要! 早日康復呀!